Дэлхийн 100 гаруй оронд нэгэн зэрэг зохион байгуулагддаг World Space Week энэ жил “Сансарт амьдрахуй” сэдвийн хүрээнд өрнөж байна. Тус арга хэмжээ нь Налайх дүүрэгт анх удаа өргөн цар хүрээтэйгээр тэмдэглэгдэж буйгаараа онцлог юм. Налайх дүүргийн Хүүхэд, гэр бүлийн хөгжил, хамгааллын хэлтэс 10-р сарын 07–09-ний өдрүүдэд 10:00–15:00 цагийн хооронд нийт 300 гаруй хүүхдийг хамруулахаар төлөвлөж, олон талт сонирхолтой хөтөлбөрийг зохион байгуулж байна. Эхний өдрийн үйл ажиллагаа амжилттай болж, 6 төрлийн бүтээлч тоглоом, дадлага сургалтыг бэлтгэн хэрэгжүүлснээр хүүхдүүдийн бүтээлч сэтгэлгээг хөгжүүлэх, нийгмийн идэвх, оролцоог дэмжих, багийн ажиллагаа болон манлайлах чадварыг нэмэгдүүлэх зэрэг олон чухал ач холбогдолтой байлаа.

Налайх дүүргийн Хүүхэд, гэр бүлийн хөгжил хамгааллын хэлтэс нь хүүхдийн чөлөөт цагийг зөв, үр бүтээлтэй өнгөрүүлэх, тэдний авьяас чадварыг хөгжүүлэх зорилгоор байрандаа хүүхдийн хөгжлийн дугуйлан, секцүүдийг тогтмол хичээллүүлж байна. Үүнтэй холбогдуулан хэлтсийн зүгээс хамтран ажиллаж буй байгууллага, хувь хүмүүстэй хариуцлагын гэрээг шинэчлэн байгуулж, хамтын ажиллагаагаа өргөжүүлэн ажиллаж байна. ✨ Хүүхэд хамгааллын нэг чухал хэсэг нь-хүүхдийг хөгжүүлэх явдал юм. Учир нь хөгжсөн хүүхэд өөрийгөө хамгаалах, зөв шийдвэр гаргах чадвартай болдог. Хүүхэд бүрийг хөгжлийн орчинд хамруулж, аюулгүй, аз жаргалтай орчныг бүрдүүлэхийн төлөө бид хамтдаа ажиллана.

Хэлтсийн албан хаагчдад "Архив, албан хэрэг хөтлөлт"-ийн чиглэлээр мэдлэг олгох сургалтыг амжилттай зохион байгууллаа. Сургалтаар: ✅ Баримт бичгийн нэр төрөл, тодорхойлолт (MNS 5140-1:2021) стандартыг хэрэглэх ✅ Албан бичиг, тушаал, шийдвэр, тайлан, мэдээ боловсруулах арга зүй зэрэг онол, практик хосолсон мэдлэгийг олголоо. 🔍 Мөн Монгол Улсын Засгийн газрын 2024 оны 12-р сарын 18-ны өдрийн 214 дүгээр тогтоолоор батлагдсан “Архив, албан хэрэг хөтлөлтийн журам”-ыг өдөр тутмын үйл ажиллагаандаа мөрдөхийг зөвлөсөн болно. 📌 Тус сургалтад нийт 11 албан хаагч хамрагдлаа.

Гадаад хамтын ажиллагааны хүрээнд дүүргийн Уул уурхайн аврах 09 дүгээр ангийн хүсэлтийн дагуу Хууль, эрх зүйн хэрэгжилтийг хангах чиг үүргийн хүрээнд мэдээлэл, сургалт зохион байгууллаа. 👥 Сургалтаар: -"Хүүхэд хамгааллын тухай хууль" (шинэчилсэн найруулга)-ын агуулга, хэрэгжилтийн байдал -Төрийн албан хаагчийн ёс зүй -Байгууллагын соёл, эерэг харилцааны ач холбогдол зэрэг сэдвүүдийг онцлон танилцуулж, мэдлэг, ойлголтыг нэмэгдүүлэх зорилгоор хэрэгжүүллээ.

Кристина Ноблийн Хүүхдийн Сан ОУБ нь 1997 оноос хойш Монгол Улсад үйл ажиллагаа явуулж буй, улс төр, шашнаас ангид, ашгийн бус, хүмүүнлэгийн олон улсын байгууллага юм. Налайх дүүргээс нийт 37 хүүхэд “Хүүхэд Ивээн Тэтгэх Хөтөлбөр”-т хамрагддаг бөгөөд энэ удаад эцэг эхчүүдтэй уулзалт зохион байгуулж, байгууллагын үйл ажиллагааны танилцуулга, хүүхдүүдийн хөгжил, хамгаалалд чиглэсэн сэтгэл зүйн зөвлөгөө, мэдээлэл өглөө. 👨‍👩‍👧 Уулзалт нь эцэг эхчүүдийн оролцоог нэмэгдүүлж, хүүхдийнхээ сайн сайхны төлөө хамтран ажиллах боломжийг бий болгосон үр дүнтэй уулзалт боллоо.