✅"Бага насны хүүхдийн цогц хөгжлийг дэмжих арга хэмжээг хэрэгжүүлэх үйл ажиллагааны төлөвлөгөө"ний хэрэгжилтийг хангах хүрээнд бага насны хүүхэдтэй эцэг, эхэд зөвлөгөө өгөх САЙН ДУРЫН АЖИЛТАН БЭЛТГЭХ тул эрүүл мэнд, боловсрол, нийгмийн салбараас өндөр насны тэтгэвэрт гарсан, сургалтын арга зүй эзэмшсэн, ял шийтгэл эдэлж байгаагүй, сайн дурын ажил хийх сонирхолтой иргэдийг бүртгэж байна. ✅Дүүргийн хороо тус бүрээс 1-с доошгүй төлөөлөл бүртгэхийг анхаарна уу. ✅Холбогдох утас: 86120485

ХЭЛТСИЙН ГАМШГААС ХАМГААЛАХ МЭРГЭЖЛИЙН АНГИ ҮЗЛЭГ, ШАЛГАЛТАД ХАМРАГДЛАА. Налайх дүүргийн Хүүхэд, Гэр бүлийн хөгжил, хамгааллын хэлтэст 2025 оны 03 дугаар сарын 25-ны өдөр “Газар хөдлөлтийн аюулаас урьдчилан сэргийлэх, таниулах өдөр”-ийг улс орон даяар тэмдэглэн өнгөрүүлэх ажлын хүрээнд сургалт, дадлага зохион байгуулагдлаа. Дүүргийн Онцгой байдлын хэлтсийн Гал түймэр унтраах аврах 28 дугаар ангийн Салааны захирагч, Дэслэгч Б.Саруултөгс газар хөдлөлтийн аюул болон гамшгийн аюулын зарлан мэдээллийн дохиогоор ажиллах чиглэлээр сургалт явуулж, албан хаагчдад мэдлэг, мэдээлэл өглөө. Мөн гамшгаас хамгаалах алба, мэргэжлийн ангийн томилгоот бүрэлдэхүүний бэлэн байдлын үзлэг зохион байгуулсан бөгөөд тус арга хэмжээ нь албан хаагчдын гамшгийн үеийн бэлэн байдал, хариу арга хэмжээ авах чадварыг дээшлүүлэхэд чухал ач холбогдолтой юм.

Налайх дүүргийн Хүүхэд, гэр бүлийн хөгжил хамгааллын хэлтэс нь хүүхдийн чөлөөт цагийг зөв, үр бүтээлтэй өнгөрүүлэх, тэдний авьяас чадварыг хөгжүүлэх зорилгоор байрандаа хүүхдийн хөгжлийн дугуйлан, секцүүдийг тогтмол хичээллүүлж байна. Үүнтэй холбогдуулан хэлтсийн зүгээс хамтран ажиллаж буй байгууллага, хувь хүмүүстэй хариуцлагын гэрээг шинэчлэн байгуулж, хамтын ажиллагаагаа өргөжүүлэн ажиллаж байна. ✨ Хүүхэд хамгааллын нэг чухал хэсэг нь-хүүхдийг хөгжүүлэх явдал юм. Учир нь хөгжсөн хүүхэд өөрийгөө хамгаалах, зөв шийдвэр гаргах чадвартай болдог. Хүүхэд бүрийг хөгжлийн орчинд хамруулж, аюулгүй, аз жаргалтай орчныг бүрдүүлэхийн төлөө бид хамтдаа ажиллана.

Дэлхийн 100 гаруй оронд нэгэн зэрэг зохион байгуулагддаг World Space Week энэ жил “Сансарт амьдрахуй” сэдвийн хүрээнд өрнөж байна. Тус арга хэмжээ нь Налайх дүүрэгт анх удаа өргөн цар хүрээтэйгээр тэмдэглэгдэж буйгаараа онцлог юм. Налайх дүүргийн Хүүхэд, гэр бүлийн хөгжил, хамгааллын хэлтэс 10-р сарын 07–09-ний өдрүүдэд 10:00–15:00 цагийн хооронд нийт 300 гаруй хүүхдийг хамруулахаар төлөвлөж, олон талт сонирхолтой хөтөлбөрийг зохион байгуулж байна. Эхний өдрийн үйл ажиллагаа амжилттай болж, 6 төрлийн бүтээлч тоглоом, дадлага сургалтыг бэлтгэн хэрэгжүүлснээр хүүхдүүдийн бүтээлч сэтгэлгээг хөгжүүлэх, нийгмийн идэвх, оролцоог дэмжих, багийн ажиллагаа болон манлайлах чадварыг нэмэгдүүлэх зэрэг олон чухал ач холбогдолтой байлаа.

Хэлтсийн албан хаагчдад "Архив, албан хэрэг хөтлөлт"-ийн чиглэлээр мэдлэг олгох сургалтыг амжилттай зохион байгууллаа. Сургалтаар: ✅ Баримт бичгийн нэр төрөл, тодорхойлолт (MNS 5140-1:2021) стандартыг хэрэглэх ✅ Албан бичиг, тушаал, шийдвэр, тайлан, мэдээ боловсруулах арга зүй зэрэг онол, практик хосолсон мэдлэгийг олголоо. 🔍 Мөн Монгол Улсын Засгийн газрын 2024 оны 12-р сарын 18-ны өдрийн 214 дүгээр тогтоолоор батлагдсан “Архив, албан хэрэг хөтлөлтийн журам”-ыг өдөр тутмын үйл ажиллагаандаа мөрдөхийг зөвлөсөн болно. 📌 Тус сургалтад нийт 11 албан хаагч хамрагдлаа.